फिरायला जायचं असेल तर ट्रॅव्हल कंपन्या त्यांच्या पॅकेज टूर्स ऑफर करतात. पण, सकाळी ६ वाजता उठायचं म्हणजे उठायचं...७ ला हॉटेल सोडायचंच...एखाद्या ठराविक हॉटेलमध्ये जेवायचं...सो बोअरिंग यार. ही सगळी बंधनं हवीच कशाला? त्यापेक्षा आपल्या मनाचे आपणच राजे. हवं तिथे जायचं...हवा तेवढा वेळ थांबायचं...मनसोक्त फोटो काढायचे... अशी भटकंती मस्त ना? अशाच प्रकारे आपली टूर स्वतःच प्लॅन करून ती एन्जॉय करणाऱ्या काही कुटुंबांनी, त्यांचे अनुभव आजच्या 'वर्ल्ड टुरिझम डे'च्या निमित्ताने खास 'मुंटा'शी शेअर केले.
हवं तिथे...हवं तेव्हा
आमच्या कुटुंबात आम्ही चौघेजण. कधी एखादी फॅमिली आली तर तीही, असे आम्ही टूरवर जातो. आतापर्यंत आम्ही भारतात तसंच परदेशातही पुष्कळ फिरलोय. भारतात मध्यप्रदेश, गुजरात ही राज्यं सोडली इतरत्र फिरणं झालंय. तर इजिप्त, हाँगकाँग, सिंगापूर, लंडन, नेपाळ असं परदेशातही भटकंती झाली आहे. स्वतंत्रपणे फिरण्याचा सगळ्यात मोठा फायदा म्हणजे आपल्याला हवं तिथे जाता येतं, हवं तेवढा वेळ थांबता येतं. परदेशात तर ट्रॅव्हलिंग खूप सोपं असतं. तिथे जागोजागी नकाशे, माहिती देणारे फलक लावलेले असतात. त्यामुळे कुठेही गोंधळायला होत नाही. आमची परदेश प्रवासाची सुरूवात झाली ती सिंगापूरने. त्या ट्रिपने आम्हाला आत्मविश्वास दिला. त्यानंतर परदेशातल्या अनेक टूर्स आम्ही केल्या. विमानांचे रुटस, लो एअरफेअर्सची माहिती या सगळ्या गोष्टी इंटरनेटवर कळतात. त्यामुळे कमी खर्चात आपली टूर होऊ शकते. त्याचा उपयोग करून घ्यायला हवा.
- वृषाली- किशोर देशमुख
मनसोक्त फोटोग्राफी
मला स्वतःला फोटोग्राफीची खूप आवड आहे. या आवडीतून माझं टुरिझम सुरू झालं. लग्न होण्यापूर्वी लडाख, काश्मीर, वैष्णवदेवी, अमरनाथ, हिमाचल प्रदेश अशा टूर्स मी आणि माझा मित्र आम्ही मिळून केल्या होत्या. तेव्हा तर इंटरनेटची सुविधा नव्हती. त्यामुळे रेल्वेचं भलंमोठं टाइमटेबल घ्यायचं, त्यातनं आपल्याला हवी ती ट्रेन शोधून काढायची, रांगेत उभं राहून रिझर्व्हेशन करायचं हे सर्व आम्ही केलं आहे. आता गेल्या वर्षी सहकुटुंब मी माऊंट अबूला जाऊन आलो. तेव्हा आम्ही इंटरनेटवरुन सर्व बुकिंग केलं. पण तिथे फिरताना आम्ही शक्यतो स्थानिक बससेवेने फिरतो. त्यामुळे तिथलं लोकजीवन जवळून बघता येतं. काही लोक भेटतात जे खूप चांगली माहिती देऊन जातात. शिवाय मला फोटोग्राफी करण्यासाठीही पुष्कळ वाव मिळतो. या वर्षी नोव्हेंबर महिन्यात आम्ही राजस्थानला जायचं ठरवलंय. तिथल्या हवेल्या-किल्ले यांची माहिती घेतली आहे. हॉटेल्स मात्र तिथे जाऊन आम्ही बुक करणार. कारण प्रत्यक्ष तिथे गेल्यावर हॉटेलवाल्यांशी खूप घासाघीस करता येते. त्यामुळे खर्चात खूप फरक पडतो.
- निशिकांत म्हात्रे
सर्च आणि टूर
आमचा हनीमूनच आम्ही स्वतः प्लॅन केला होता. कर्नाटकमधलं कूर्ग, कबिनी अशी आमची मस्त टूर झाली. हे डेस्टिनेशनसुद्धा आम्हाला आमच्या फ्रेंड्सकडून कळलं. ठिकाण कळल्यावर आम्ही नेटवर जाऊन सर्च केलं. ती माहिती, फोटोज पाहून इथेच जायचं आम्ही नक्की केलं. एकदा हे ठरल्यावर तिथली हॉटेल्स, रिसॉर्टसच्या वेबसाइट्स पाहायला सुरूवात केली. आवडलेलं फाइव्हस्टार रिसॉर्ट बुक केलं. त्यानंतर विमानाची तिकिटं काढली. तिथे फिरण्यासाठी कार-टॅक्सीही हवी होती. एका कंपनीकडून आम्ही आठ दिवसांचं पूर्ण पॅकेजच घेतलं. आमची ही हनीमून टूर खूप मस्त झाली. रिसॉर्टस छान होती, त्यांची सर्व्हिसही चांगली मिळाली. वी आर हॅप्पी. एखाद्या ट्रॅव्हल कंपनीत जाऊन पॅकेज घ्यायचं किंवा ट्रॅव्हल एजंटकडे बुकिंग करण्यापेक्षाही आम्हाला हे जास्त सोयिस्कर वाटलं. हनीमूनच्या निमित्ताने हा पहिला अनुभव मिळालाय. आता यापुढेही आम्ही अशाच प्रकारे पुढच्या टूर्स करणार हे नक्की.
- ऋतुजा-अभिषेक पटवर्धन
हम साथ-साथ
आम्ही जेव्हा बाहेर पडतो, तेव्हा आमची पूर्ण फॅमिली पिकनिकच जाते. त्या निमित्ताने कुटुंबाचं गेट टुगेदरही होतं. सुरूवातीला आम्ही महाराष्ट्रात माथेरान, भीमाशंकर अशी ठिकाणं केली. त्यानंतर परदेशात जायचं म्हणून २००३ मध्ये आम्ही नेपाळची एक टूर केली. तिथली सगळी माहिती आम्ही टुरिझम ऑफिसमधून मिळवली. यापूर्वी तिथे गेलेल्यांचे अनुभव जाणून घेतले. अगदी ८ महिन्यांच्या मुलीपासून ७० वर्षांच्या माझ्या आईपर्यंत सगळेजण या टूरमध्ये होते. काठमांडूहून एव्हरेस्ट पाहून येण्यासाठी तर आम्ही पूर्ण चार्टरच बुक केलं होतं. टूरवर कुटुंबातली मंडळीच असल्याने आपण रिलॅक्स्ड असतो. एखाद्या ठिकाणी पोहोचलो की आम्हाला हॉटेल्सची चौकशी करून यायला वेळ मिळायचा. त्यामुळे खूप चांगली हॉटेल्स, कमी किंमतीत मिळतात. कर्नाटकची टूर जेव्हा गेली तेव्हा मुंबईहूनच आम्ही बस केली होती. कुटुंबातल्या सगळ्यांनी एकत्र बसने प्रवास करण्यातली मजा काही औरच. २०११ मध्ये आम्ही काश्मीर टूर केली. हा एक छान अनुभव होता. कुटुंबातल्या सर्वांनी एकत्र जाण्यातली मजा कुठल्याही हायफाय पॅकेज टूरमध्येही मिळणार नाही.
- राजन फाटक
हवं तिथे...हवं तेव्हा
आमच्या कुटुंबात आम्ही चौघेजण. कधी एखादी फॅमिली आली तर तीही, असे आम्ही टूरवर जातो. आतापर्यंत आम्ही भारतात तसंच परदेशातही पुष्कळ फिरलोय. भारतात मध्यप्रदेश, गुजरात ही राज्यं सोडली इतरत्र फिरणं झालंय. तर इजिप्त, हाँगकाँग, सिंगापूर, लंडन, नेपाळ असं परदेशातही भटकंती झाली आहे. स्वतंत्रपणे फिरण्याचा सगळ्यात मोठा फायदा म्हणजे आपल्याला हवं तिथे जाता येतं, हवं तेवढा वेळ थांबता येतं. परदेशात तर ट्रॅव्हलिंग खूप सोपं असतं. तिथे जागोजागी नकाशे, माहिती देणारे फलक लावलेले असतात. त्यामुळे कुठेही गोंधळायला होत नाही. आमची परदेश प्रवासाची सुरूवात झाली ती सिंगापूरने. त्या ट्रिपने आम्हाला आत्मविश्वास दिला. त्यानंतर परदेशातल्या अनेक टूर्स आम्ही केल्या. विमानांचे रुटस, लो एअरफेअर्सची माहिती या सगळ्या गोष्टी इंटरनेटवर कळतात. त्यामुळे कमी खर्चात आपली टूर होऊ शकते. त्याचा उपयोग करून घ्यायला हवा.
- वृषाली- किशोर देशमुख
मनसोक्त फोटोग्राफी
मला स्वतःला फोटोग्राफीची खूप आवड आहे. या आवडीतून माझं टुरिझम सुरू झालं. लग्न होण्यापूर्वी लडाख, काश्मीर, वैष्णवदेवी, अमरनाथ, हिमाचल प्रदेश अशा टूर्स मी आणि माझा मित्र आम्ही मिळून केल्या होत्या. तेव्हा तर इंटरनेटची सुविधा नव्हती. त्यामुळे रेल्वेचं भलंमोठं टाइमटेबल घ्यायचं, त्यातनं आपल्याला हवी ती ट्रेन शोधून काढायची, रांगेत उभं राहून रिझर्व्हेशन करायचं हे सर्व आम्ही केलं आहे. आता गेल्या वर्षी सहकुटुंब मी माऊंट अबूला जाऊन आलो. तेव्हा आम्ही इंटरनेटवरुन सर्व बुकिंग केलं. पण तिथे फिरताना आम्ही शक्यतो स्थानिक बससेवेने फिरतो. त्यामुळे तिथलं लोकजीवन जवळून बघता येतं. काही लोक भेटतात जे खूप चांगली माहिती देऊन जातात. शिवाय मला फोटोग्राफी करण्यासाठीही पुष्कळ वाव मिळतो. या वर्षी नोव्हेंबर महिन्यात आम्ही राजस्थानला जायचं ठरवलंय. तिथल्या हवेल्या-किल्ले यांची माहिती घेतली आहे. हॉटेल्स मात्र तिथे जाऊन आम्ही बुक करणार. कारण प्रत्यक्ष तिथे गेल्यावर हॉटेलवाल्यांशी खूप घासाघीस करता येते. त्यामुळे खर्चात खूप फरक पडतो.
- निशिकांत म्हात्रे
सर्च आणि टूर
आमचा हनीमूनच आम्ही स्वतः प्लॅन केला होता. कर्नाटकमधलं कूर्ग, कबिनी अशी आमची मस्त टूर झाली. हे डेस्टिनेशनसुद्धा आम्हाला आमच्या फ्रेंड्सकडून कळलं. ठिकाण कळल्यावर आम्ही नेटवर जाऊन सर्च केलं. ती माहिती, फोटोज पाहून इथेच जायचं आम्ही नक्की केलं. एकदा हे ठरल्यावर तिथली हॉटेल्स, रिसॉर्टसच्या वेबसाइट्स पाहायला सुरूवात केली. आवडलेलं फाइव्हस्टार रिसॉर्ट बुक केलं. त्यानंतर विमानाची तिकिटं काढली. तिथे फिरण्यासाठी कार-टॅक्सीही हवी होती. एका कंपनीकडून आम्ही आठ दिवसांचं पूर्ण पॅकेजच घेतलं. आमची ही हनीमून टूर खूप मस्त झाली. रिसॉर्टस छान होती, त्यांची सर्व्हिसही चांगली मिळाली. वी आर हॅप्पी. एखाद्या ट्रॅव्हल कंपनीत जाऊन पॅकेज घ्यायचं किंवा ट्रॅव्हल एजंटकडे बुकिंग करण्यापेक्षाही आम्हाला हे जास्त सोयिस्कर वाटलं. हनीमूनच्या निमित्ताने हा पहिला अनुभव मिळालाय. आता यापुढेही आम्ही अशाच प्रकारे पुढच्या टूर्स करणार हे नक्की.
- ऋतुजा-अभिषेक पटवर्धन
हम साथ-साथ
आम्ही जेव्हा बाहेर पडतो, तेव्हा आमची पूर्ण फॅमिली पिकनिकच जाते. त्या निमित्ताने कुटुंबाचं गेट टुगेदरही होतं. सुरूवातीला आम्ही महाराष्ट्रात माथेरान, भीमाशंकर अशी ठिकाणं केली. त्यानंतर परदेशात जायचं म्हणून २००३ मध्ये आम्ही नेपाळची एक टूर केली. तिथली सगळी माहिती आम्ही टुरिझम ऑफिसमधून मिळवली. यापूर्वी तिथे गेलेल्यांचे अनुभव जाणून घेतले. अगदी ८ महिन्यांच्या मुलीपासून ७० वर्षांच्या माझ्या आईपर्यंत सगळेजण या टूरमध्ये होते. काठमांडूहून एव्हरेस्ट पाहून येण्यासाठी तर आम्ही पूर्ण चार्टरच बुक केलं होतं. टूरवर कुटुंबातली मंडळीच असल्याने आपण रिलॅक्स्ड असतो. एखाद्या ठिकाणी पोहोचलो की आम्हाला हॉटेल्सची चौकशी करून यायला वेळ मिळायचा. त्यामुळे खूप चांगली हॉटेल्स, कमी किंमतीत मिळतात. कर्नाटकची टूर जेव्हा गेली तेव्हा मुंबईहूनच आम्ही बस केली होती. कुटुंबातल्या सगळ्यांनी एकत्र बसने प्रवास करण्यातली मजा काही औरच. २०११ मध्ये आम्ही काश्मीर टूर केली. हा एक छान अनुभव होता. कुटुंबातल्या सर्वांनी एकत्र जाण्यातली मजा कुठल्याही हायफाय पॅकेज टूरमध्येही मिळणार नाही.
- राजन फाटक
