फिटनेस म्हणजे काय?

तुमच्या दृष्टीने फिटनेस म्हणजे काय याचा आढावा घ्यायचा असेल तर पुढील प्रश्नांची हो किंवा नाही अशी उत्तरं अगदी प्रामाणिकपणे द्या.

१. मी दररोज व्यायाम करतो का?

१. मी दररोज व्यायाम करतो का?

२. व्यायाम करतानाचा माझा वेळ चांगला जातो का?

३. व्यायामाने माझा मूड चांगला होतो का?

४. कॉम्प्युटर किंवा टीव्ही बघायचा वेळ आणि खेळण्याचा वेळ मी समान ठेवतो का?

५. व्यायामाचे नवनवीन प्रकार करून बघायला मी उत्सुक असतो का?

वरीलपैकी कोणत्याही ४ प्रश्नांची उत्तरं तुम्ही 'हो' अशी दिली असतील तर तुम्ही फिटनेसचा योग्य विचार करत आहात. परंतु जर २ किंवा जास्त प्रश्नांची उत्तरं 'नाही' अशी असतील तर मात्र तुम्हाला फिटनेसचा जास्त विचार करायला हवा. काळजी करायचं काहीच कारण नाही कारण व्यायामाची सुरुवात कधीही करता येते. फक्त त्यासाठी मनाची तयारी लागते.


व्यायामाचे फायदे

> हृदयविकाराची शक्यता कमी होते.

> झोपेच्या वेळा सुधारतात.

> शरीर मजबूत आणि योग्य आकारात राहते.

> उर्जेच्या पातळीत वाढ होते.

> एकाग्रता वाढण्यासाठी मदत होते.

> ताण आणि काळजी कमी करायला मदत होते.

> आत्मविश्वास वाढतो.

घ्या तुमच्या फिटनेसचा आढावा.

तुम्हाला आवडणाऱ्या व्यायामप्रकारांची यादी करण्यासाठी थोडासा वेळ काढा. मनापासून आवडेल असाच व्यायाम निवडा; मग तो एखादा खेळ असेल, क्रिकेट असेल किंवा धावणं, पोहणं असेल. तुम्ही आवड असल्यास व्यायाम क्लासही लावू शकता. लहानपणी व्यायामाची सवय केली तर मोठेपणी ती टिकून राहील. शारीरिक व्यायामामुळे शारीरिक, मानसिक आणि सामाजिक अशा सर्वच प्रकारचे फायदे होतात.

‌- क्लिनिकल एक्सरसाइज,
लाइफस्टाइल अॅण्ड वेट मॅनेजमेण्ट एक्सपर्ट

शब्दांकन - आकांक्षा मारुलकर

from - http://maharashtratimes.indiatimes.com/lifestyle/health-wealth/fitness-health/articleshow/24204414.cms